Pumanaw na si dating Manila Mayor Alfredo Lim sa edad na 90 anyos.
Sa post online ng apo ni lim na si Paul Dela Cruz, inihayag nito ang malungkot at biglaang pagpanaw nito.
Ayon kay Dela Cruz, taos puso ang kanyang pasasalamat sa kanyang lolo, lalo na sa mga turo nito at paggabay sa kanya bilang apo.
Bagamat kinumpirma ni Dela Cruz ang pagyao ng lolo nito na si dating senador at dating alkalde ng Maynila na si Alfredo Lim, hindi naman nito sinabi kung ano ang naging dahilan ng pagpanaw nito.
Kasunod nito, agad na bumuhos ang dasal at pasasalamat kay Lim mula sa mga nakasama nito sa larangan ng pulitika.
Isa na rito ang kilalang kalaban sa pwesto sa pagka-mayor ng Maynila na si dating pangulong Joseph Estrada, aniya, bagamat naging magkalaban sila nuong eleksyon, nakikiisa ito sa pagdadalamhati sa pagpanaw ni Lim, hindi rin aniya makakalimutan ng mga Manileño si Lim.
