Kinumpirma ng Central Intelligence Agency o CIA at Office of the Director of National Intelligence ng Estados Unidos na may kakayahan na ang North Korea na armasan ng nuclear warheads ang kanilang ballistic missiles.
Ang teknolohiya upang paliitin ang nuclear devices at magkasya sa nguso ng mga ballistic missile ay isa sa pinakamalaking “breakthrough” na kailangan para magkaroon ng nuclear arsenal ang isang bansa.
Ayon sa CIA at DNI, hindi na dapat ikagulat ang nasabing impormasyon lalo’t matagal ng panahon na idine-develop ng NoKor ang kanilang nuclear weapons program.
Gayunman, ang tangi anilang hindi pa beripikado ay kung gaano karami ang miniaturized warheads ng North Korea na maaaring ikabit sa mga missile.
By Drew Nacino
