Umalma ang pamahalaan ng China sa serye ng mga panukalang batas na pinagtibay ng U.S Congress na sumusuporta sa Hongkong protesters.
Nananawagan ang Chinese Foreign Ministry sa mga mambabatas sa Amerika na tigilan na ang pakikialam sa kanilang semi-autonomous city.
Nagbanta pa ang China na tuluyang masisira ang relasyon nila sa Amerika kung magiging batas ang mga panukala.
Kabilang sa pinagtibay ng U.S House of Representatives ang babala na pagputol sa pagkilala sa Hongkong na may special trading status kung hindi ma sertipikahan ng U.S State Department kada taon na ito ay gumagalang sa karapatang pantao at rule of law.
Ang ikalawang hakbangin ay ang tinatawag na Protect Hongkong Act na nagbabawal sa pagbebenta ng military at crowd control items tulad ng tear gas.
At ikatlong inaprubahan ay ang pag kundena sa pakikialam ng Beijing sa kalakaran sa Hongkong at ang pagsuporta ng U.S Congressmen sa mga nagpo protesta.
Ang mga nasabing panukala ay wala pang basbas ng U.S Government at kailangan pang sang ayunan ng U.S Senate.