Puspusan na ang paghahanda ni Brian ‘The Hawaiian Punch’ Viloria para sa laban nito sa Oktubre 17 kung saan makakaharap nito ang pound for pound king na si Roman Gonzales.
Target ni Viloria na basagin ang malinis na record ni Gonzales na may 33 panalo at wala pang talo.
At para mas mapaghandaan ang laban, katuwang ni Viloria sa training si World Flyweight Champion Donnie ‘Ahas’ Nietes na nagsisilbi bilang kanyang sparring mate.
Sinabi ni Villoria na alam niya kung gaano kabigat ang kanyang makakalaban at batid nitong siya ang underdog sa laban.
Kasalukuyang hawak ng dating two time world champion ang record na 36 na panalo at 4 na talo.
By Ralph Obina
