Binigyang diin ng Bagong Alyansang Makabayan o BAYAN na hindi lamang dapat maging ‘back to normal’ ang pagbabalik ni dating Philippine National Police (PNP) Chief Director General Alan Purisima sa ‘active duty’ sa PNP.
Ayon kay BAYAN Secretary-General Renato Reyes, may nakabinbin pa kasing usapin sa Mamasapano massacre dahil sa PNP-BOI report kung saan pinatutukoy ang criminal at administrative liability ni Purisima sa ‘Oplan Exodus’.
Giit ni Reyes, wala pang malinaw sa mga pananagutan ni Purisima at wala pa ring resulta ang imbestigasyon ng NAPOLCOM, Department of Justice (DOJ) at Ombudsman.
By Jelbert Perdez | Aya Yupangco (Patrol 5)
