(As of 5:00 PM)
Napanatili ng bagyong ‘Odette’ ang lakas nito habang papalapit sa Cagayan Province, kung saan ito inaasahang magla-landfall ngayong gabi.
Ayon sa huling tala ng Philippine Atmospheric Geophysical and Astronomical Services Administration o PAGASA, namataan ang sentro ng bagyo sa layong 285 kilometro sa silangang bahagi ng Aparri, Cagayan.
Taglay nito ang lakas ng hanging aabot sa 55 kilometro kada oras at pagbugsong nasa 65 kilometro kada oras.
May bilis itong tinatayang nasa 30 kilometro kada oras.
Nakataas ang Signal No. 1 sa Batanes, Cagayan kabilang ang Babuyan group of Islands, Isabela, Aapayao, Abra, Kalinga, Mountain Province, Ifugao, Ilocos Norte, at Ilocos Sur.
Inaasahan namang lalabas ng Philippine Area of Responsibility o PAR ang bagyong ‘Odette’ sa Sabado hanggang Lunes ng hapon.
