Bumubuo na ng bagong disenyo ang contractor ng MRT-7 para sa istasyon na itatayo sa Quezon City Memorial Circle.
Kasunod na rin ito nang pag-alma ng Quezon City government sa nabagong disenyo ng MRT station na higit na mas malawak at mas mataas kumpara sa orihinal na napagkasunduan at naaprubahang disenyo.
Ipinabatid ng Department of Transportation (DOTr) na nagcommit ang San Miguel Corporation na ilalabas sa susunod na 10-araw ang bagong disenyo.
Nilinaw naman ni DOTr undersecretary for railways Timothy John Batan na outdated na ang orihinal na disenyo ng nasabing istasyon dahil 2008 pa ito ginawa.
