Author

Bert Mozo

DWIZ 882

HEADLINES HOT STORIES OF THE WEEK NATIONAL NEWS

Quo warranto petition inihain laban kay Pangulong Duterte

Hiniling ngayon sa Korte Suprema si Atty. Elly Pamatong na minsan na ring binansagang “Spike King” na maideklarang null and void ang pagkakahalal kay Pangulong Duterte sa Palasyo.

Sa limang pahinang quo warranto petition ni Pamatong, iginiit nito na na dapat ideklara ng Korte na null and void ang posisyon ng Pangulo, Pangalawang Pangulo at mga appointees ni Pangulong Duterte.

Depensa nito na iligal ang Certificate of Candidacy o COC ni Duterte dahil mismong ang Pangulo na aniya ang umamin noon na ang pagtakbo nito sa pagka-Pangulo ay walang aprubadong COC.

Ayon kay Pamatong, base sa record ng Comelec, bago pa ang May 9, 2016 elections, umatras si Duterte sa kanyang kandidatura bilang mayor ng Davao na sinundan ng paghahain nito ng COC sa pagka-Pangulo.

Paniwala ni Pamatong, hindi pa naglalabas ng pinal na desisyon ang Comelec sa COC ni Duterte nang kumandidato itong Pangulo.

Sa ilalim ng rules of court, ang maari lamang maghain ng quo warranto petition ay ang Solicitor General, mga public prosecutor, at ang sinumang indibidwal na napagkaitan ng kanyang posisyon sa gobyerno matapos itong okupahan ng iba.

June 6, 2018 0 comment

HEADLINES NATIONAL NEWS

Paglagda sa MOA para sa proteksyon ng mga OFW sa Kuwait posible sa Mayo

written by Bert Mozo

Itinakda na sa Mayo ang pagbisita ni Pangulong Rodrigo Duterte sa Kuwait upang saksihan ang paglagda sa kasunduan na magbibigay proteksyon sa mga Filipino na nagtatrabaho sa nabanggit na bansa sa Middle East.

Ayon kay Foreign Affairs Secretary Alan Peter Cayetano, pinaghahanda na nila ang pagbisita ni Pangulong Duterte sa Kuwait.

Inihayag anya ng Pangulo na hindi niya sasaksihan ang pirmahan ng kasunduan kung wala ang mga kondisyon na kanyang hiniling para sa mga OFW.

Hiniling din ng Pilipinas sa kuwait na pamunuan ang pagpapauwi sa may isanlibong filipino na tumutuloy sa mga shelter at may 200 iba pang kailangang sagipin mula sa kani-kanilang mga amo.

April 19, 2018 0 comment

HEADLINES NATIONAL NEWS

Mga bagong serye ng barya hindi nakakalito – BSP

written by Bert Mozo

Nanindigan ang Bangko Sentral ng Pilipinas (BSP) na hindi magdudulot ng kalituhan sa publiko ang ilalabas nilang mga bagong serye ng barya sa Hulyo.

Ayon kay Deputy Governor Diwa Gunigundo, madali namang makita ang pagkakaiba ng disenyo ng bawat halaga lalo na ang Limang Piso at Piso basta ito’y tititigan ng mabuti.

Dagdag pa ni Gunigundo, makikita ang pagkakaiba ng mga barya sa pamamagitan ng mukha ng bayaning nakalagay dito kung saan si Andres Bonifacio ang nasa Limang Piso habang si Jose Rizal naman ang nasa Piso.

Kumpyansa naman ang BSP na masasanay rin ag publiko sa oras na mailabas na nila ang lahat ng bagong disenyo ng mga barya.

March 28, 2018 0 comment

HEADLINES NATIONAL NEWS

Early dismissal sa mga korte iniutos dahil sa tigil-pasada ng PISTON

written by Bert Mozo

Maagang pinauwi ang lahat ng mga empleyado ngayong araw dahil sa isinagawang tigil – pasada ng PISTON.

Sa inilabas na kautusan ni Acting Chief Justice Antonio Carpio , pinayagan na makapag – early dismissal kaninang alas 2:00 ng hapon ang mga kawani sa lahat ng korte sa buong bansa.

Sakop ng kautusan ang mga empleyado ng Supreme Court , Court of Appeals , Sandiganbayan , Court of Tax Appeals at mga trial courts.

Inatasan naman ang mga ito ang mga executive judge na magpanatili ng “skeleton force” para tumannggap ng mga dokumentong kinakailangang ihain.

-Bert Mozo

March 20, 2018 0 comment

HEADLINES NATIONAL NEWS

Pag-alis sa martial law sa Mindanao, posible na – DOJ

written by Bert Mozo

Pabor ang Department of Justice sa mungkahing alisin na ang idineklarang martial law ni Pangulong Rodrigo Duterte sa buong Mindanao.

Bunsod ito ng matagumpay na paglikida ng militar sa dalawang lider teroristang sina ISIS Emir Isnilon Hapilon at Omar Maute sa Marawi City kamakalawa.

Ayon kay Justice Secretary Vitaliano Aguirre, mismong si Pangulong Duterte ang nagsabing tatanggalin niya ang martial law sa sandaling matapos na ang giyera sa Marawi.

Bagama’t maaari na itong irekumenda sa Pangulo, sinabi ni Aguirre na nasa pagpapasya pa rin iyon ng punong ehekutibo dahil mayruon pa ring banta ng gulo sa rehiyon tulad ng NPA, BIFF at iba pang lawless elements sa Mindanao.

Ulat ni Bert Mozo

October 18, 2017 0 comment

HEADLINES

Pagpapa-lifestyle check kina VM Duterte at Atty. Carpio bubusisiin muna ng DOJ

written by Bert Mozo

Masusing pinag-aaralan ngayon ng Department of Justice o DOJ kung may batayan para isailalim sa lifestyle check sina Davao Vice Mayor Paolo Duterte at Atty. Mans Carpio.

Ayon kay Justice Secretary Vitaliano Aguirre, draft report pa lamang ang inilabas ng Senate Blue Ribbon Committee na nagrerekumenda na isailalim sa lifestyle check ang dalawa kung kaya’t kailangang mapag-aralan muna ito ng mabuti.

Nakasaad sa draft report ng Senate Blue Ribbon Committee na walang ebidensya na mag-uugnay kina Davao Vice Mayor Paolo Duterte at Atty. Mans Carpio sa 6.4 billion pesos na shabu shipment.

Ngunit, inirekumenda naman ng komite na maisailalim sila sa lifestyle check ng National Bureau of Investigation o NBI kasunod na din ng pagkakaladkad ng mga pangalan nito sa isyu ng smuggling.

Nauna nang itinanggi ni Davao Vice Mayor Paolo Duterte at Atty. Mans Carpio ang alegasyon ni Senador Antonio Trillanes na sila ang nasa likod ng Davao Group na umano’y kumukulekta ng pera para sa pagpapalabas ng shipment mula sa Bureau of Customs o BOC.

_____

October 13, 2017 0 comment

NATIONAL NEWS

Paratang ng Senate Blue Ribbon Committee mariing itinanggi ni SOJ Aguirre

written by Bert Mozo

Itinanggi ni Department of Justice o DOJ Secretary Vitaliano Aguirre ang alegasyon ng Senate Blue Ribbon Committee na hindi umano siya interesado sa kaso ng 6.4 billion pesos na shabu shipment na nakapuslit sa Bureau of Customs (BOC) noong Mayo.

Ayon kay Aguirre, totoong abala siya sa maraming bagay bilang pinuno ng DOJ, ngunit aniya, para sabihin na hindi niya ginagawang prayoridad ang kaso ng napuslit na iligal na droga ay puro haka-haka lamang umano ito.

Sa kasalukuyan ay iniimbestigahan na aniya ng DOJ ang kaso makaraang maghain ng mga kriminal na reklamo ang PDEA at NBI laban sa mga sinasabing sangkot sa nasabing kontrabando.

Bukod pa aniya ito sa inisyung immigration lookout bulletin order ng DOJ laban sa ilang mga respondent sa naturang shabu shipment.

Sa draft report ng Senate Blue Ribbon Committee, makikitang parang mistulang ipinaubaya na umano ni Aguirre sa kanyang mga deputy ang kaso dahil siya ay abala sa maraming trabaho.

_____

October 12, 2017 0 comment

HEADLINES

Desisyon ng SC na gawing legal ang curfew sa QC pinababaliktad ng grupong SPARK

written by Bert Mozo

Muling dumulog sa Korte Suprema ang grupo ng mga kabataan para hilinging baliktarin ang naging pasya nito pabor sa lokal na pamahalaan ng Quezon City na nagpapatupad ng curfew sa mga menor de edad.

Batay sa inihaing motion for reconsideration ng grupong Samahan ng Progresibong Kabataan o SPARK, iginiit nitong nabigyan ang high tribunal ng maling interpritasyon ng Section 4-a ng ordinansa ng lungsod.

Nakasaad sa nasabing probisyon na exempted umano ang mga menor de edad sa curfew kung binigyan sila ng permiso ng kanilang mga magulang o ng kanilang legal guardian dahil posibleng kapareho lamang ito ng probisyong “basta’t may kasamang nakatatanda“.

Dahil dito, nababahala ang SPARK na magkaroon ng problema ang mga awtoridad dahil hindi naman nakasaad sa ordinansa kung paano malalaman na pinayagan ng mga magulang o legal guardian ang isang menor de edad na mananatili sa labas ng bahay pagsapit ng curfew hours.

(Ulat ni Bert Mozo)

_____

October 2, 2017 0 comment

HEADLINES

DOJ pinapahanap sa NBI ang taxi driver na iniuugnay sa Carl Arnaiz case

written by Bert Mozo

Inatasan na ng Department of Justice ang National Bureau of Investigation na hanapin ang taxi driver na ayon sa mga Pulis-Caloocan ay hinoldap ng 19 anyos na si Carl Angelo Arnaiz.

Sa isang pahinang Department Order 597, pinakilos ng D.O.J. ang N.B.I. para tuntuntin ang kinaroroonan ni Tomas Bagcal na inaasahang magiging conduit upang malantad ang katotohanan sa pagkakapatay kay Arnaiz.

Ipinag-utos din ni Justice Secretary Vitaliano Aguirre na siyasatin ng N.B.I. Ang factual circumstances kung bakit humantong ang operasyon ng Caloocan City Police sa pagkakapatay kay Arnaiz.

Tiniyak din ng kalihim na nakahanda ang kagawaran na bigyan ng proteksyon si Bagcal sa ilalim ng Witness Protection Program kung siya ay natatakot na lumutang.

Samantala, posible ring maging state witness ang taxi driver sa kaso ni Carl pero ito ay nakadepende sa kanyang magiging salaysay.

By: Drew Nacino

SMW: RPE

September 8, 2017 0 comment

HEADLINES

Hirit na kopya ng medical record ni CJ Sereno ibinasura ng JBC

written by Bert Mozo

Ibinasura ng Judicial and Bar Council ang isa sa mga hirit ni Atty. Larry Gadon na bigyan din siya ng kopya ng medical record ni Chief Justice Ma. Lourdes Sereno.

Partikular na rito ang psychological evaluation na isinagawa kay Sereno ng mga doctor ng Supreme Court na kalauna’y sinibak ng punong mahistrado matapos na pumutok ang balitang bagsak siya sa psychiatric test.

Sa dalawang pahinang liham bilang tugon sa letter request ni Gadon, idinahilan ng J.B.C. ang isinasaad ng section 3, rule 6 ng revised J.B.C. Rules o Confidentiality Rule.

Pirmado ang nasabing tugon ng J.B.C. nina atty. Annaliza Ty-Capacite, J.B.C. Executive Officer at Atty. Jose Mejia, acting Executive Committee Chairperson at mga regular member ng konseho.

Matatandaang pumutok ang balita noong Agosto 2012 na bagsak ang psychiatric test ni Sereno nang mag-apply ito bilang punong mahistrado pero itinalaga pa rin ito ni dating Pangulong Noynoy Aquino bilang Chief Justice.

By: Drew Nacino

SMW: RPE

September 8, 2017 0 comment