Itinakda na ng Korte sa Oktubre 20 ang arraignment ng kasong Drug Trading at Illegal Possession of Explosives and Firearms laban kay Kerwin Espinosa.
Kasunod na din ito nang isinagawang hearing na dinaluhan mismo ni Espinosa.
Diringgin din sa Oktubre 20 ang inihain ni Espinosa na motion to junk ng mga kasong isinampa laban sa kaniya.
Samantala, ibinasura ni Manila Regional Trial Court (RTC) Judge Silvino Pampilo, Jr. ang mga kasong Possession of Dangerous Drugs, Illegal Drug Trading at Illegal Possession of Firearms and Explosives laban kay dating Mayor Rolando Espinosa, Sr. ng Albuera, Leyte matapos itong sumakabilang buhay sa loob ng kulungan sa Leyte noong Nobyembre 5.
