Patay ang apat katao sa magkakahiwalay na operasyon ng pulisya sa Cavite at Laguna.
Nasawi sa isang buy-bust operation sa Barangay Putol Kawit, Cavite ang isang hinihinalang drug pusher na si Jayson Matias matapos umano manlaban sa isang undercover na pulis.
Patay rin sa shootout ang hindi pa nakikilalang lalaki sa barangay Pooc 1, Silang, Cavite.
Ayon sa Silang, Cavite Police, kanilang sinita ang nasabing lalaki na sakay ng motorsiklo na walang plaka pero sa halip na tumigil ay nagpaputok umano ito ng baril.
Habang nasawi naman sa isang buy bust operations sa Barangay Mamatid, Cabuyao City, Laguna ang mga suspected drug pushers na sina Kevin Gerolao alyas ‘Biboy’ at Ahmad rataban matapos naman manlaban.
Narekober sa mga ito ang dalawampu’t limang gramo ng hinihinalang shabu na nagkakahalaga ng mahigit tatlong daang libong piso at dalawang kalibre trenta’y otso na baril.
