Dinukot ng mga hindi pa nakikilalang armadong kalalakihan ang 6 na tripulante ng MV Royal 16 sa bisinidad ng Coco Island sa Basilan kahapon ng Alas 5:00 ng madaling araw.
Ayon kay Western Mindanao Command Spokesperson Major Filemon Tan, may banidla ng Vietnam ang nasabing barko na pwersahang pinasok ng 10 armadong mga lalaki.
Nailigtas, aniya, ng coast guard Zamboanga ang isang sugatang tripulante at inhinyero ng barko.
Kwento ng engineer, kabilang sa mga tinangay ng mga kriminal ang kanilang kapitan.
Tumakas, aniya, ang mga kriminal sakay ng speedboat sa di pa matukoy na lugar.
Idineploy na ngayon ng militar ang kanilang mga sasakyang pandagat para iligtas ang mga kidnap victim.
By: Avee Devierte / Jonathan Andal
