Patay ang tatlo (3) katao habang 13 iba pa ang sugatan sa malagim na aksidente sa San Jose del Monte City sa Bulacan.
Kabilang sa mga nasawi ang jeepney driver na si Erjel Relox matapos magsalpukan ang isang armored vehicle at isang jeepney sa barangay Sto. Cristo.
Inaalam pa ang pagkakakilanlan ng iba pang mga nasawi at gayundin ang mga nasugatang pasahero.
Ayon sa ulat, patungo sana ng Sapang Palay ang jeepney nang mabangga ito ng armotech carrier van na minamaneho ng isang Ryan Rey Bautista.
Iniimbestigahan pa rin ng mga awtoridad ang naturang aksidente.
By Jelbert Perdez
