Patay ang tatlong bata matapos na ma-trap sa nasunog nilang bahay sa Barangay Felisa sa Bacolod City.
Nakilala ang tatlong magkakapatid na sina Arthur Diloy, apat na taong gulang, Ajericho Jr,, tatlong taong gulang at Mary Auxencia, dalawang taong gulang.
Batay sa imbestigasyon ng Bureau of Fire Protection o BFP ‘suffocation’ ang ikinasawi ng tatlong bata.
Nabatid na kinando ng ama ng mga bata na si Ajericho Diloy Sr. ang kanilang bahay pagkaalis nito para pumasok sa trabaho.
Samantala, wala naman ang nakatatandang kapatid ng mga bata dahil nasa paaralan ito nang mangyari ang insidente habang ang kanilang ina naman ay isang Overseas Filipino Worker o OFW sa Saudi Arabia.
