Sugatan ang nasa dalawampu’t dalawa (22) katao kabilang ang isang trese anyos na bata na nasa kritikal na kondisyon matapos ang insidente ng pamamaril sa isang all night arts festival sa Trenton New Jersey.
Batay sa imbestigasyon, dalawang armadong lalaki ang bigla na lamang nagpa-ulan ng bala sa mahigit isang libong (1,000) mga dumalo sa nasabing festival.
Samantala, naaresto naman ng pulisya ang isa sa suspek habang natagpuan namang patay ang kasamahan nito.
Patuloy paring iniimbestigahan ng pulisya ang motibo sa pamamaril.
—-
