Sugatan ang dalawang (2) sundalo sa nangyaring sagupaan sa pagitan ng militar at New People’s Army sa Casiguran, Sorsogon.
Nagsasagawa ng patrol operations ang 31st Infantry Battalion ng Philippine Army sa Barangay Trece Martirez nang pasabugan ang mga ito ng improvised explosive device ng mga rebelde.
Tumagal ng labinlimang (15) minuto ang bakbakan.
Ayon sa AFP, ilan din sa mga miyembro ng NPA ang nasugatan sa naturang sagupaan.
Samantala, apat na pamilya naman ang pwersahang lumikas dahil sa takot na madamay sa engkwentro.
By Ralph Obina
