Nakatakas ang labing pitong (17) bilanggo mula sa isang police jail sa Zamboanga city.
Ayon kay Superintendent Hadjiri Langgal, hepe ng Tetuan Police Station 6, naaresto na nila ang tatlo sa mga tumakas na inmates kaninang mag-a-alas-3:00 ng madaling araw.
Sinabi ni Langgal na nilagare ng mga preso ang rehas na bakal ng kanilang kulungan kaya’t nakatakas.
Karamihan sa mga tumakas na bilanggo ay nahaharap sa kasong illegal drugs.
Nakipag-ugnayan na ang Tetuan Police sa iba pang istasyon ng pulisya at maging sa Task Force Zamboanga ng militar para kaagad matugis ang mga preso na ang mga litrato ay naipakalat na rin.
—-
