Sugatan ang labing pito (17) katao makaraang sumiklab ang sunog sa underground train station sa Hong Kong.
Patungo sana ng Tsim Sha Tsui Station ang tren galing admiralty nang mangyari ang sunog.
Ayon sa pulisya, sinadya ang naturang sunog kung saan isang lalake ang naghagis ng petrol bomb sa loob ng tren.
Agad namang naapula ng mga awtoridad ang sunog at dinala sa ospital ang mga nasugatang pasahero para lapatan ng lunas.
Arestado naman ang 60 taong gulang na kinilala sa pangalang Cheung na kabilang sa mga nasugatan at umaming nasa likod ng naturang panununog.
By Ralph Obina
