Nasa 12,000 kabahayan para sa mga mahirap ang itinatayo ng Autonomous Region in Muslim Mindanao bago itatag ang Bangsamoro Political entity sa susunod na taon.
Ayon sa ARMM-Bangsamoro Regional Inclusive Development for Growth and Empowerment o BRIDGE, nagpapatuloy ang konstruksyon ng daan-daang kabahayan sa limang lalawigan sa nasabing rehiyon.
Pinangunahan ni ARMM Governor Mujiv Hataman ang magkakahiwalay na launching ng core shelter projects sa mga bayan ng Datu Blah Sinsuat, Buldon, Matanog at Barira sa Maguindanao.
Nakatutok ang ARMM-BRIDGE sa pamamagitan ng “Apat na Dapat” initiative sa pagbibigay ng four basic amenities sa mga mahirap na pamilya at ang mga ito ay pagkain, bahay, malinis na tubig at elektrisidad.
