Kinumpirma ni Commander Armand Balilo, tagapagsalita ng Philippine Coast Guard (PCG) na isa (1) na ang kumpirmadong patay mula sa lumubog na MV Virginia 1 sa karagatang sakop ng Caballo Island at Corregidor.
Sinabi ni Balilo na nagpapatuloy din ang ginagawang search and rescue operations para sa limang (5) tripulante mula sa naturang barko, at ang labing anim (16) na tripulante mula sa lumubog na MV Meridian sa bahagi ng Leyte at Bohol.
Ayon kay Balilo, kanila pang inaalam kung kasama sa pinaghahanap na tripulante ng MV Virginia 1 ang isang nasagip sa bahagi ng Cavite, kagabi.
By Katrina Valle | Report from: Aya Yupangco (Patrol 5)
