Hindi papayagan ang mga vendor sa loob ng Manila South Cemetery sa darating na Undas.
Sa ilalim ng guidelines, ipatutupad ang Zero Vendor Policy at ipagbabawal na rin ang pagpasok ng mga sasakyan sa sementeryo simula sa October 29.
Papahintulutan naman hanggang sa October 25 ang paglilinis at pagpipintura ng mga nitso at bawal na ang libing simula sa October 28.
Inaasahan naman ng pamunuan ng Manila South Cemetery na dadami ang bibisita sa sementeryo ngayong taon matapos ang dalawang taong paghihigpit dahil sa Covid-19 pandemic.
