#WalangPasok: Ilang eskwelahan nagsuspinde ng pasok vs. coronavirus

St. Stephen’s High School in Manila

Uno High School in Manila

Chiang Kai Shek College (Algue and Narra campuses)

Isang eskuwelahan sa Quezon City ang nagsuspinde na rin ng klase ngayong Lunes, ika-27 ng Enero.

Ayon sa abiso ng Pace Academy, nagpasya silang suspindihin muna ang klase ngayong araw para magkaroon ng oras ang mga magulang na paghandaan ang ipatutupad nilang precautionary measures.

Kabilang dito ang pagkakaroon ng dalawa hanggang tatlong face masks ng bawat estudyante at bawat isa ay dapat magpalit ng face mask kada apat na oras, lahat –kabilang ang mga magulang, fetchers, drivers, mga yaya at school personnel ay dapat magsuot ng face masks tuwing pupunta sa paaralan.

Ang mga sintomas ng ubo, sore throat, sipon at lagnat ay hindi na dapat pumasok sa paaralan hanggat walang clearance mula sa doktor.

Ang mga bumiyahe sa ibang bansa ay sa loob ng nakalipas na dalawang linggo ay dapat magpakita ng medical certificate bago pumasok sa paaralan at lahat nang pumapasok sa school premises ay kukuhanan ng temperatura.

Humingi ng pang-unawa ang paaralan sa mga estudyante at magulang sa ipinatutupad na precautionary measures, kahit walang kumpirmadong kaso ng novel coronavirus sa bansa.

This is a developing story. Please refresh page for updates.