Nananatiling positibo si Vice President Jejomar binay sa kabila ng resulta ng pinakabagong survey ng Pulse Asia.
Inihayag ito tagapagsalita ng Bise Presidente na si Atty. Rico Quicho kasunod ng resulta ng survey kung saan lumalabas na bumaba ang trust at approval ratings nito ngayong buwan kumpara noong Hunyo.
Gayunman, sinabi ni Quicho na nagpapasalamat pa rin si Binay sa nakuha nitong trust at approval ratings mula sa iba’t ibang rehiyon.
Tiniyak ni Quicho na patuloy ang pag-iikot ng pangalawang pangulo sa bansa para ipatupad ang aniya’y maka-mahirap na programa nito.
Si Binay ay nahaharap sa alegasyon ng umano’y korapsyon sa Makati noong siya ay alkalde pa.
By: Meann Tanbio| Allan Francisco
