Umaasa si Health Secretary Paulyn Ubial na lalagdaan na ni Pangulong Rodrigo Duterte sa susunod na taon ang Executive Order hinggil sa nationwide firecracker ban.
Ayon kay Ubial, nakipagpulong na sila sa Department of Trade and Industry o DTI at Department of Labor and Employment o DOLE para sa mga alternatibong kabuhayan na maaaring ibigay sa mga nagbebenta ng paputok.
Sa ilalim ng EO, magkakaroon ng probisyon para sa mga manufacturer, distributor at empleyado ng industriya ng paputok.
Hinimok ng kalihim ang mga lokal na pamahalaan na magkaroon ng community-based public fireworks display.
Tanging ang Marikina City pa lamang ang nagpahayag na susunod sila sa nasabing community fireworks display.
By: Meann Tanbio
