Tiniyak ng Department of Labor and Employment (DOLE) na bibigyan ng tulong-pangkabuhayan ang mga karapat-dapat na benepisyaryong naapektuhan ng bagyong Odette.
Ayon kay DOLE Spokesman Rolly Francia, kasado na ang Tulong Panghanapbuhay sa ating Disadvantaged/Displaced Workers (TuPaD) para sa mga lugar na nasalanta ng bagyo.
Nangangalap pa anya ang DOLE ng datos mula sa mga rehiyon.
Nakatakda namang ilabas ng kagawaran ang pondo para sa distribusyon ng emergency employment ngayong araw.
