Patay ang isang traffic enforcer sa Sta. Maria sa Bulacan matapos itong malapitang barilin ng hindi pa tukoy na riding in tandem.
Kinilala ang biktima na si Mario Domingo na isinugod pa ospital matapos ang insidente pero hindi na pinalad pa at idineklara itong dead-on-arrival.
Sa isang pahayag, sinabi ni Police Lt. Col. Ismael Guana na may sakop sa naturang insidente na isa sa kanilang tinitignan ay kung may kagalit ba ang biktima o may iba pang problemang personal.
Sa kabila nito, iba naman ang suspetsa ng partner ng biktima kung bakit ito nasawi.
Aniya posibleng may koneksyon ito sa isang tricycle driver na inaresto ng biktima na namatay naman matapos atakihin sa puso.
