Ikinukunsidera na ng Department of Labor and Employment ang total deployment ban sa Saudi Arabia sa gitna ng ulat na libo-libong OFW ang hindi pa pinapasuweldo ng kanilang employer sa naturang bansa.
Kinumpirma ni Labor Secretary Silvestre Bello III na nagpadalana sila ng memorandum kay Pangulong Rodrigo Duterte, na humihiling na talakayin ang issue, pero wala pang tugon.
Tinatayang siyam na libo anyang Filipino migrant workers ang hindi pa nakatatanggap ng sahod sa kabila ng desisyon ng saudi court na pumapabor sa kanila.
Ibinabala ni Bello na kung hindi maibibigay ang claims ng mga OFW, muling sususpendihin ng Pilipinas ang pagpapadala ng mga manggagawa sa Saudi Arabia.
Nag-ugat ang hirit na deployment ban matapos akusahan ang isang retiradong saudi general ng pagmamaltrato at hindi pagpapasweldo sa ilang Pinoy domestic helper.—sa panulat ni Drew Nacino