Nakaambang tumaas ang singil sa toll ng North Luzon Expressways (NLEX); SCTEX o Subic – Clark – Tarlac Expressways; Star Tollway at Cavitex.
Kasunod ito ng pahayag ng Toll Regulatory Board o TRB na posibleng aprubahan nila ang hirit na 14 hanggang 45 percent na taas singil ng apat na expressways.
Ayon kay Bert Suansing, tagapagsalita ng TRB, matagal-tagal na ring hindi nagtaas ng singil ang nasabing mga expressway.
Gayunman, sinabi ni Suansing na isasailalim pa nila sa deliberasyon ang naturang petisyon kung saan gagamitin nilang batayan sa pagpapasya ang consumer price index, tindi ng trapiko at epekto ng Tax Reform Law.
—-
