Balik 100% capacity na ang face-to face classes sa Technical Education and Skills Development Authority (TESDA) sa Metro Manila, ngayong nasa alert level 1 na ang rehiyon.
Nakasaad sa inilabas na circular ng TESDA na pinapayagan na ang face-to-face classes sa training centers, pwera na lamang sa mga lugar na nasa ilalim pa ng alert level 5.
Ikinatuwa naman ito ng ilang estudyante lalo’t mas mahahasa ang kanilang kakayahan at mababawasan na rin ang mga nasa waiting list na naapektuhan ng limitasyon sa in-person training ngayong pandemya.
Nabatid na kabilang sa mga in-demand ngayong pandemya ay ang mga health related courses tulad ng contact tracing, barangay health services at iba pa.
Samantala, libre at may allowance para sa mga estudyante ang lahat ng kurso sa TESDA na pwedeng ma-access sa kanilang website na www.tesda.gov.ph. —sa panulat ni Mara Valle
