Umaasa ang grupo ng mga taxi operator na maaaprubahan ang kanilang inihihirit na dagdag sa flag-down rate.
Ayon kay Philippine National Taxi Operators Association President Atty. Jesus Manuel Suntay, hinihintay pa nila ang desisyon ng Land Transportation Franchising and Regulatory Board sa kanilang hiling na karagdagang 20 pesos sa flag-down rate.
Sakaling maaprubahan ito, magiging 60 pesos na ang flag-down rate sa taxi.
Paliwanag ni Suntay, kinakailangan ng mga taxi operator na taasan ang kanilang flag-down rate dahil na rin sa serye ng oil price increase.
Maliban dito, naapektuhan din aniya ang Public Utility Vehicle Industry dahil sa COVID-19 pandemic.