Hindi umano nainis o napikon si Vice President Jejomar Binay sa mga tanong ng mga estudyante ng University of the Philippines – Los Banos.
Ito’y matapos ulanin ng mga tanong si Binay mula sa mga estudyante hinggil sa korapsiyon at informal settlers sa Makati city.
Natanong din ang bise presidente kung saan siya kumukuha ng pondo para sa kanyang mga political advertisement kaugnay ng kanyang pagtakbo sa 2016 presidential elections.
Ayon kay binay, natuwa nga siya sa naturang forum, kasabay ng pagsasabing kung hindi nangyari iyon hindi U.P. ang kanyang pinuntahan.
Aniya, posibleng epekto din ng social media kung bakit ganoon na lamang ang klase ng pagtatanong ng mga estudyante.
Sa kabila nito, inamin naman ni Binay na napagod siya sa pagtayo dahil halos 2 oras umikot ang naturang talakayan.
Samantala, bukas naman itong magsagawa rin ng kaparehong forum sa U.P. Diliman.
Si Binay ay kilalang nagtapos din sa U.P. at isa ring dating aktibista.
By: Jelbert Perdez | Allan Francisco