Inihayag ni Health Undersecretary at Outgoing National Vaccinations Operations Center Head Myrna Cabotaje na mayroong sapat na suplay ng COVID-19 vaccines ang bansa.
Ayon pa sa opisyal, aabot hanggang sa katapusan ng taon ang suplay kaya’t hindi kakailanganin ng papasok na administrasyon na bumili ng bakuna laban sa nakakahawang sakit.
Bukod dito, mayroon din aniyang dadating na karagdagang suplay ng mga bakuna mula sa COVAX facility.
Sinabi pa ni Cabotaje na bibili lamang ang pamahalaan ng COVID vaccines kung babakunahan na rin ang mga batang edad lima hanggang labing isa dahil iba ang formulation ng bakuna para sa nasabing age group.
