100% nang nakumpleto ng Meralco ang pagbabalik ng supply ng kuryente sa mga lugar na naapektuhan ng Bagyong Paeng.
Ipinabatid ito ni Joe Zaldariaga, Vice President for Corporate Communications at Spokesperson ng Meralco sa aniya’y pinakamabilis na restoration efforts ng kumpanya sa mga linyang naapektuhan ng Bagyong Paeng.
Binigyang diin ni Zaldariaga na maayos at strategically nilang naideploy ang kanilang linemen at ground crew para kaagad maayos ang mga apektadong linya ng kuryente.
Bukod dito, ipinabatid ni Zaldariaga na pinalakas nila at isinailalim sa modernisasyon ang aniya’y distribution backbone ng Meralco kaya mas bumilis pa ang pagsasaayos ng mga linya ng kuryenteng sinira ng Bagyong Paeng.
