Sobra-sobra na ang suplay ng mga bakuna kontra COVID-19 sa bansa.
Ayon kay Health Undersecretary Ma. Rosario Vergeire, kaya naman ay patuloy ang panghihikayat ng pamahalaan sa publiko na magpabakuna na.
Aniya, hindi na rin problema ang storage ng mga bakuna dahil agad naman itong naipapamahagi sa iba’t ibang local government units (LGU).
Samantala, sinabi rin ni Vergeire na nakikipag-ugnayan na ang Food and Drug Administration (FDA) sa mga vaccine manufacturer para sa pagpapalawig ng shelf life ng mga bakuna upang hindi ito masayang.
