Tiniyak ng S.T.I. Education Services Group Incorporated ang tulong sa pamilya ng dalawang nasawi at anim na iba pang nasugatan sa pagbagsak ng isang metal crane sa construction site ng kanilang school building sa Pasay City.
Ayon kay S.T.I. Vice President for Communications Elbert de Guzman, nagpapaabot sila ng kanilang pakikiramay at simpatya sa pamilya ng dalawang nasawi sa aksidente sa kanto ng P. Calle at EDSA.
Nagsasagawa na rin anya ng sariling imbestigasyon at nakikipag-tulungan sa mga otoridad ang Monocrete Construction Philippines na siyang contractor ng S.T.I.
Dakong tanghali kahapon nang bumagsak ang crane sa Core Town Building makaraang maubusan umano ng “pressure sa hydraulic cylinder nito.
