Mahigpit na tinututukan ng Catarman Municipal Police Station ang kaso ng pagpatay sa isang Election Officer sa Brgy. Somoge.
Kasunod nito, ikinakasa na ng pulisya sa lugar ang isang Special Investigation Task Group (SITG) para imbestigahan ang motibo sa krimen.
Nabatid na papauwi na sana aa kanilang bahay sa Brgy. Cawayan ang Municipal Election Officer ng Lope De Vega na si James Manahoy nang tambangan ito ng mga hindi pa kilalang mga salarin.
Nagawa pang dalhin sa Northern Samar Provincial Hospital ang biktima dahil sa tinamo nitong tama ng bala ng baril sa ulo at katawan subalit hindi na ito umabot ng buhay.
Nakarating na kay PNP Chief P/Gen. Dionardo Carlos ang insidente kaya’t pinatututukan niya kung may kinalaman ba sa nalalapit na halalan ang naturang krimen. —sa ulat ni Jaymark Dagala (Patrol 9)
