Tinawag na nuknukan ng sinungaling ni Communist Party of the Philippines Founding Chairman Jose Maria Sison si PNP Chief Director General Oscar Albayalde.
Nag ugat ito sa pahayag ni Albayalde na mismong si Sison ang nagsapubliko sa mga legal na organisasyon na nagsisilbing front ng komunistang grupo.
Ang pahayag ay ginawa ni Albayalde matapos mabunyag ang profiling na ginagawa ng PNP sa mga guro na miyembro ng ACT o Alliance of Concerned Teachers na kilalang maka kaliwang grupo.
Ayon kay Sison, kahit kelan ay wala siyang inihahayag na organisasyong nagsisilbing front ng komunistang grupo.
Binigyang diin ni Sison na iginagalang ng CPP ang kalayaaan ng mga legal na organisasyon na isulong ang kanilang mga paniniwala.
