Ikinakasa na ng Department of Environment and Natural Resources (DENR) ang pagbabawal sa paggamit ng minsanang gamit na plastics.
Ayon kay DENR Secretary Roy Cimatu, posibleng ilabas nila ang Department Order sa susunod na dalawang linggo.
Sinabi ni Cimatu na maliban sa pagbabawal sa single use plastics, tatalakayin sa ilalabas nilang Department Order ang pag recycle sa mga plastics.
Binanggit ni Cimatu na pumapangatlo ang Pilipinas sa buong mundo sa mga bansang pinagmumulan ng ocean plastic pollution.
