Inatasan ni Department of Transportation Secretary Jaime Bautista Ang Philippine Ports Authority (PPA) na bawasan ang shipping at travel cost nationwide.
Ginawa ni Bautista ang direktiba matapos bumisita sa ppa para maging pamilyar sa operasyon ng lahat ng ahensya sa ilalim ng DOTr.
Ayon sa kalihim, plano niyang paigtingin pa ang port industry at paghusayin ang mga benepisyo ng mga kargador at manlalakbay.
Samantala, sinabi ni Bautista na malaki ang papel ng PPA sa pagkamit ng layunin ng Pangulong Ferdinand Marcos Jr. para sa accessible, abot-kaya, komportable at ligtas na transportasyon.