Selyado na ang draft resolusyon na naghahalal kay Senate Majority Floor Leader Tito Sotto bilang susunod na Senate President kapalit ni Senator Koko Pimentel.
Labing-apat o mayorya ang lumagda sa resolusyon na binubuo nina Senators Juan Edgardo “Sonny” Angara, Nancy binay, JV Ejercito, Francis Escudero, Sherwin Gatchalian;
Richard Gordon, Gregorio Honasan, Panfilo Lacson, Loren Legarda, Manny Pacquiao, Ralph Recto, Joel Villanueva, Cynthia Villar at Juan Miguel Zubiri.
Anumang oras ngayong araw o bukas ay inaasahang lalagdaan naman ni Senador Grace Poe bilang ika-15 Senador ang nabanggit na resolusyon pagdating nito mula sa ibang bansa.
Magugunitang inihayag ni Pimentel na si Sotto ang kanyang napipisil na magiging susunod na Senate President subalit aminadong hindi niya minamadali ang pagkakaroon ng pagbabago sa liderato ng mataas na kapulungan ng Kongreso.
