Nakakuha ng perfect score ang may 10 senador sa pagpapatuloy ng ikalawang regular na sesyon ng senado sa ilalim ng ika-18 kongreso.
Kabilang sa mga nasa honor roll ng senado ay Sina Sen. Nancy Binay, Sen. Bong Go, Sen. Panfilo Lacson, Sen. Lito Lapid, Sen. Manny Pacquiao, Sen. Francis Tolentino, Sen. Cynthia Villar, Sen. Joel Villanueva, Senate Majority Leader Juan Miguel Zubiri at Senate President Vicente Tito Sotto III.
Ang mga ito ayon sa Legislative Journal Service ng senado ay pawang nakapagtala ng perfect attendance, ibig sabihin ay hindi lumiban o na late sa kanilang 69 na sesyon.
Habang nakapagtala naman ng maraming absent si Sen. Francis Pangilinan na may anim na absent, Sen. Richard Gordon na may limang absent, Sen. Ronald Bato Dela Rosa na may apat na absent at Senate President Pro Tempore Ralph Recto na may apat ding absent.
Habang wala naman ipinasok kahit isa si Sen. Leila de Lima na kasalukuyang nakakulong sa PNP custodial facility sa Kampo Crame dahil sa mga kasong isinampa laban sa kaniya.
