Inaasahan ni Health Secretary Francisco Duque III na makakakuha na sila ng sapat na datos bukas o sa Martes para makita kung naging epektibo ng ipinatutupad na enhanced community quarantine.
Kaugnay ito ng layuning mapabagal ang pagkalat ng coronavirus disease 2019 (COVID-19) o ang tinatawag na “flattening the curve”.
Ayon kay Duque, dito na rin nila ibinabatay ang mga rekomendasyon kay Pangulong Rodrigo Duterte hinggil sa pagpapalawig, pagtanggal o pagpapaikli sa ECQ.
Tiniyak naman ni Duque na katuwang nila sa pagsasawa ng pagsusuri sa sitwasyon ang mga dalubhasa mula sa iba’t-iba ring ahensiya ng pamahalaan.
