Nanawagan si Pangulong Rodrigo Duterte sa mga Filipino na ipagdasal na huwag mauwi sa nuclear war ang digmaan sa pagitan ng Russia at Ukraine.
Sa kanyang talumpati sa inagurasyon ng bagong Dr. Jose Fabella Memorial Hospital sa Sta. Cruz, Maynila, nagbanta si Pangulong Duterte na tiyak na mauubos ang lahat sakaling sumiklab ang nuclear war.
Hangga’t nasa Pilipinas anya ang mga sundalong Amerikano ay maaaring maipit ang bansa sa digmaan, lalo’t kaalyado ng Russia ang China.
