No-comment si Interior Sec. Mar Roxas sa tila pangangampanya para sa kanya ng inang si Judy Araneta para sa 2016 presidential elections.
Ayon kay Roxas, maraming kaibigan ang kanyang ina sa Bacolod City, Negros Occidental at marahil ay napag-usapan lamang ang halalan.
Gayunman, aminado ang kalihim na hindi siya maaaring magbigay ng reaksyon dahil hindi pa naman sila nakapag-uusap ng ina bago at matapos ang pahayag nito.
Magugunitang sinabi ni Ginang Araneta nitong weekend na handa nitong ikampanya ang kanyang anak para sa pagka-pangulo sa susunod na eleksyon.
By Cris Barrientos / Drew Nacino
