Wala pa ring desisyon si Camarines Sur Representative Leni Robredo hinggil sa alok ni administration standard bearer Mar Roxas na maging kanyang running mate sa 2016 presidential election.
Aminado si Robredo na nasa tinitimbang pa niya ang sitwasyon at umaasa na mabigyan siya ng maraming oras lalo’t bukas na inaasahang idedeklara ng Liberal Party ang magiging ka-tandem ni Roxas.
Ayon sa kongresista, wala naman siyang pagsisisihan sakaling tanggihan ang alok dahil wala naman siyang political ambition na maging Bise Presidente.
Bagaman seryoso anyang usapin ang maging running mate ng LP standard bearer, mahalaga pa rin ang opinyon ng kanyang mga anak na unang tumutol na sumabak siya sa mas mataas na posisyon.
By Drew Nacino
