Asahan na ang mabigat na daloy ng trapiko sa mga lansangan ng Metro Manila ngayong weekend partikular sa Quezon City, Pasig at Caloocan.
Ayon sa Metro Manila Development Authority o MMDA, ito’y dahil sa ipatutupad na road reblocking ng Department of Public Works and Highways o DPWH mula alas-10:00 mamayang gabi hanggang alas-5:00 ng madaling araw sa Lunes, Hunyo 1.
Ilan sa mga gagawing kalsada sa Quezon City ay ang unang lane northbound ng Payatas Road mula Visayas hanggang Amlacville gayundin ang ikatlong lane northbound ng Mindanao Avenue mula Road 1 hanggang Catleya St.
Sa Pasig naman, ang northbound lane ng C-5 Pasig Blvd. mula Dr. M Flores patungong Sgt. Pascua; C-5 Ortigas Flyover mula Expansion Joint 2 hanggang 4 north at southbound gayundin ang 1st and 2nd outermost lane northbound ng C-5 mula Shell patungong SM Warehouse patungong Lanuza, at ang inner lane westbound ng Edsa mula Concepcion patungong Evangelista gayundin ang 6th lane mula sa sidewalk northbound.
By Jaymark Dagala