Inanunsyo ng Department of the Interior and Local Government (DILG) ang pagpapatuloy ng road clearing operations depende sa quarantine status ng local government units (LGU).
Ayon kay DILG Sec. Eduardo Año, maaari nang magsimula ulit ang operasyon sa November 16 hanggang January 15, 2021 para bigyan ng pagkakataon na makasunod ang mga LGU.
Ipatutupad aniya ang full implementation ng road clearing operation sa mga lugar na nasa modified general community quarantine (MGCQ) habang partial implementation naman para sa mga lugar na nasa GCQ.
Kasabay nito nagpaalala si Año na bagama’t mayroong deadline ang clearing operation, umaasa umano silang ipagpapatuloy ito ng mga LGU para na rin sa pagpapanatili ng kaayusan sa mga lansangan.
