Durog ang ulo ng isang rider nang magulungan ng closed van na kanyang kasalubong sa Caloocan City.
Kinilala ang biktima na si Arjay Cruz Cimanes, 20-anyos habang natukoy ang drive ng closed van na Si Junjun Tinedero, 46-anyos.
Ayon sa Caloocan City Police, nawalan umano ng kontrol sa manibela si cimanes kaya’t natumba habang tiyempong paparating ang isuzu closed van na kasalubong nito.
Tinangka pang umiwas ni Cimanes pero nahagip pa rin ng kaliwang gulong ng closed van ang kanyang ulo na agad nitong ikinamatay.
Nasa kustodiya na ng mga otoridad ang suspek na nahaharap sa kasong reckless imprudence resulting to homicide.—sa panulat ni Mara Valle
