Humingi ng paumanhin ang Presidente at Chief Operating Officer ng San Miguel Corporation na si Ramon Ang kasunod ng insidente sa extention project ng Skyway kahapon.
Ayon kay ang, bagama’t ang contractor ng proyekto na EEI Corporation ang nangangasiwa sa konstruksyon, responsibilidad aniya ng SMC ang pangalagaan ang kalagayan ng mga naapektuhan ng insidente.
Kaugnay nito, personal na nag-sorry si Ang sa mga biktima at kanilang pamilya gayundin sa kalakhang komunidad ng Muntinlupa.
Aniya, mismong siya ay naapektuhan ng nakapanlulumo at kahindik-hindik na insidente kung saan hindi mawala sa kanyang isipan ang mga biktima at naapektuhan nito.
Magugunitang isa ang nasawi habang apat ang sugatan matapos bumigay ang crane sa extension project ng Skyway.
