Isinailalim na sa restrictive custody ng PNP o Philippine National Police ang pulis na sangkot sa pagdukot sa isang South Korean Businessman sa Angeles City, Pampanga.
Gayunman, tumanggi si PNP Chief Director General Ronald Dela Rosa na banggitin ang pangalan ng nasabing pulis na may ranggong Senior Police Officer 3 habang nagpapatuloy ang imbestigasyon dito.
Umaasa si Dela Rosa na buhay pa ang negosyanteng si Jee Ick-Joo makaraan itong dukutin noong Oktubre ng nakalipas na taon.
Inatasan na rin ni Dela Rosa ang pinuno ng PNP anti-kidnapping group na kontakin ang asawa ng biktima para ito’y kanyang makausap.
By: Meann Tanbio
