Magsasagawa ng public interview ang pamunuan ng Judicial and Bar Council sa March 12 para sa mga aplikante para sa susunod na chief justice o punong mahistrado ng bansa.
Ayon sa JBC, unang haharap sa mga miyembro ng screening body Supreme Court Senior Associate Justice Estela Perlas Bernabe, susundan ni Associate Justice Alexander Gesmundo at Ramon Paul Hernando.
Mababatid na ito’y dahil nakatakdang umalis sa hudikatura si Chief Justice Diosdado Peralta sa kanyang ika-69 na kaarawan sa ika-27 ng Marso–na isang taong mas maaga sa kanyang mandatory retirement age.
Sa ngayon, pinamumunuan ng Peralta ang JBC kasama ang mga miyembro nito na sina Justice Secretary Menardo Guevarra, Senador Richard Gordon, Leyte Representative Vicente Veloso III, at ilang pang mga retiradong mahistrado.
